Romerige Cajun-varkpasta

Romerige Cajun-varkpasta

AppleMark

AppleMark

Genoeg vir 4-6 mense
Bereiding: 10 min.
Gaarmaak: 45 min.
250 g fusilli-pasta
sout en vars gemaalde peper
15 ml (1 e) olie
4 repe spekvleis, gekap
1 ui, in skywe gesny
500 g varkfilet, in blokkies gesny
1 groensoetrissie, in blokkies gesny
3 knoffelhuisies, fyngedruk
45 ml (3 e) Cajun-speserymengsel
5 ml (1 t) paprika
15 ml (1 e) meel
400 g tamatiepuree
60 ml (¼ k) suurroom
’n hand vol gekapte grasuie vir garnering
1. Kook die pasta in kokende gesoute water volgens die aanwysings op die verpakking. Dreineer.
2. Verhit die olie in ’n pot oor matige hitte. Voeg die spekvleis en ui by en kook terwyl jy roer tot effens verbruin. Voeg die varkvleis, groensoetrissie, knoffel, Cajun-speserymengsel, paprika en swartpeper by. Kook terwyl jy roer tot geurig en al die geure goed gemeng is.
3. Voeg die meel, tamatiepuree en 250 ml (1 k) water by, verminder die hitte, bedek die pot en laat prut ’n halfuur terwyl jy af en toe roer.
4. Verwyder van die hitte en roer die suurroom en gaar pasta in.
5. Sit voor saam met die grasuie bo-oor gestrooi.
Deur Huisgenoot Digitaal op Mei 8, 2014

Enjoyed this post? Share it!