SABC-joernaliste gebou belet

SABC weier om die knie te buig

Die regstryd om SABC-joernaliste weer heraangestel in hulle poste te kry gaan klaarblyklik nog ‘n paar rondtes beleef weens die SABC-bestuur se unieke siening omtrent die openbare uitsaaier se eintlik rol en hoe dit vervul moet word.

Daar word reeds hofstukke deur hul vakbond voorberei om te toe te sien dat die vier joernaliste wat hy verteenwoordig wél kan terugkeer werk toe hangende die SABC se aansoek om appèl teen ‘n arbeidshofuitspraak.

Die arbeidshof in Johannesburg het gister beslis dat Suna Venter, Foeta Krige, Jacques Steenkamp en Krivani Pillay weer in hulle poste aangestel moet word nadat hulle onlangs deur die uitsaaier afgedank is.

In ‘n baie bondige brief aan die vakbond het die SABC se regsverteenwoordigers die besluit oorgedra om te appelleer teen die arbeidshof se uitspraak.

Dit is ook baie duidelik gestel dat die joernaliste ook nie mag terugkeer werk toe hangende die aansoek om appèl nie.

Die jongste verwikkelinge sal heel waarskynlik ‘n rol speel in die oorblywende vier joernaliste van die sogenaamde SABC-8 se sake wat later vandeesweek aangehoor word.

Bron: Vryburger

SABC-joernaliste gebou belet

OOOOOOOOOOOOOOOOOO

27 Julie 2016 9:59

Die SABC se waarnemende nuushoof, Simon Tebele, het die drie joernaliste ingelig hulle mag nie gebou verder binngegaan nie.

Die joernaliste het die gebou ná sowat twee uur verlaat.

09:02

“Welkom by die werk julle,” het Thandeka Gqubule,  afgedankte sakeredakteur van die SABC, Woensdagoggend by die SABC in Aucklandpark aan haar kollegas Foeta Krige, Suna Venter en Jacques Steenkamp gesê.

Van hul RSG-kollegas het ook buite op hulle gewag.

Hulle is daarna deur die ingang ontvangs toe.

Dié drie,  wie se afdanking saam met dié van Krivani Pilllay deur die arbeidshof as onwettig verklaar is, is een ná die ander deur van hul kollegas kom groet terwyl hulle op die mensehulpbronbestuurder gewag het.

Mahlatse Gallens, adjunk- politieke redakteur van die SABC en nuutverkose voorsitter van Sanef, het die groep met ‘n reuse-glimlag en drukkies verwelkom.

“Geluk julle, hou julle kenne hoog,” het nog ‘n kollega kom groet.

Die drie joernaliste het gesê hulle praat op regsadvies nie met die media nie.

Die SABC het vroeër aangedui hy gaan teen die arbeidshof-uitspraak appelleer waarin ondr meer beveel is hulle moet weer in hul poste aangestel word.

Die SABC het die vakbond Solidariteit ook ingelig dat al vier nuusjoernaliste wat onwettig afgedank is nie Woensdag mag aanmeld vir werk nie.

07:28

Die SABC het die vakbond Solidariteit ingelig dat vier nuusjoernaliste wat volgens die arbeidshof onwettig afgedank is nie Woensdag mag aanmeld vir werk nie – en dat hy teen die hofuitspraak gaan appelleer.

Dit kom nadat die arbeidshof Dinsdag in Johannesburg bevind het dat vier van agt afgedankte joernaliste se afdankings ongrondwetlik is en dat dit ter syde gestel moet word.

Die oorblywende vier se sake word later vandeesweek aangehoor.

Die SABC se regspan het nog nie aangedui hoekom hy teen Dinsdag se uitspraak gaan appelleer nie. Hy het Dinsdagaand ’n brief aan Solidariteit gestuur waarin dié vakbond, wat die vier joernaliste verteenwoordig, ingelig word dat die korporasie gaan appelleer en dat die joernaliste nie vir werk moet aanmeld nie.

Dirk Hermann, Solidariteit se bedryfshoof, het aan Netwerk24 gesê hulle is baie teleurgesteld.

“Dit wys net hul gebrek aan morele integriteit. Hulle gaan net voort met hul onwettige optrede.

Kaizer Kganyago, SABC-woordvoerder, kon nie vir kommentaar bereik word nie. Sy kommentaar sal bygewerk word sodra dit ontvang word.

Bron: Netwerk24


Enjoyed this post? Share it!