SABC-man in sy huis in Kaapstad oorval

’n Kameraman van die SABCK sterk tans by sy suster in Kuilsrivier aan nadat hy deur twee mans in sy huis in Kaapstad se noordelike voorstede oorval en aangerand is.

Volgens die SABC se Facebookblad is Peter (Pietie) Brewis deur twee gewapende mans in sy motorhuis oorval en in sy huis ingedwing. Hy is vasgemaak en aanhoudend deur sy aanvallers geslaan toe hy hom probeer teësit het.

Bure het sy krete gehoor en hulp ontbied. Volgens die SABC was die polisie en nooddienste gou op die toneel en is Brewis na ’n private hospitaal geneem.

Bron – Netwerk 24


 

Enjoyed this post? Share it!