SABC verdoesel groot verwoesting in Durban

Groot verwoesing is in Durban gesaai tydens gewelddadige betogings wat oënskynlik losgebars het oor ontevredenheid omtrent die benoeminglyste van die ANC-kandidate vir die plaaslike verkiesing.

Grootskaalse boewery en plundery het te midde van die chaos voorgekom en in een geval is ‘n klomp motors en -onderdele aan die brand gesteek by ‘n sake-onderneming wat voertuie koop wat in ‘n ongeluk was en dit vir herverkoop herstel.

Die eienaar van Wind Motors in Sea Cow Lake beraam die skade op bykans R2 miljoen. Die voertuie het uitgebrand en items soos radio’s is daaruit gesteel. Sy kantore is ook geplunder en gevandaliseer.

Benewens die skade wat betogers aan voertuie en ander eiendom aangerig het, is ‘n kerkgebou in die omgewing van die N3 feitlik heeltemal deur ‘n brand verwoes.

Bron: Vryburger


Enjoyed this post? Share it!