Sit ons en giggel na Trevor Noah op TV wyl die huis om ons afbrand, of gaan ons self die brand blus?


Brokkies nuus en Selfbeskikking

Ons kyk na die Nuus en sosiale media en propaganda rakende anargie en revolusie vier hoogty, Plaasmoorde en aanvalle en ander misdade neem toe, verwoesting en plundering is regoor die land. Die Land is aan die brand.

Misdaadvoorkoming glo nie polisie se verantwoordelikheid!

Die Polisie Minister, Nathi Nhleko, het hierdie juweeltjie kwytgeraak voor die parlementêre portefeuljekomitee oor die skokkende misdaadstatistiek.

Aldus Nhleko is dit onder andere “ ´n hallusinasie” dat die SAPD die krisisafmetings van moord in die land moet oplos.

Hy is van mening dat die oorsaak is dat ouers nie hul kinders reg opvoed nie.

Hiermee probeer Nhleko sy eie en die SAPD bestuur se klaaglike mislukking verdoesel.

Na berig word, het 16 uit 27 misdaad klassifikasies stygings getoon.

Die grootste stygings was:

Vragmotorkaping 29,1% ; motorkapings 14,2% ; huis- en sakeroof 10,8% ; roof met verswarende omstandighede 8,5% , moord 4,6% en poging tot moord 3,2%.

Die skokkendste is egter Riah Phiyega wat probeer om 49 moorde per dag af te maak as “verbetering”.

In skrille kontras moet suksesse, luidens kommentare uit die privaatsektor, voor die deur van die publiek en sakesektor gelê word, wat noodgedwonge toenemend nie op die SAPD peil kan trek nie.

Verder het die ISS aangedui dat net een uit dertien verkragtingslagoffers die misdaad aanmeld – die verklaarde 53% daling is dus ongeloofwaardig.

Nader aan eie huis, is die stilswye oor plaas- en volksmoord teen Afrikaners, hartseer maar nie onverwags nie.

Die onvermoë om enige voorstelle vir aanspreek van die krisis, het Phiyega se voorlegging afgesluit.

Kenners meen dat benewens die ooglopend kreatiewe interpretasie van misdaadsyfers, is daar geen aanduiding van hoeveel misdaad nie meer aangemeld word nie.

Dit is weens moedeloosheid van slagoffers eendersyds, maar ook die weiering van baie SAPD personeel om klagtes te ontvang.

Wat betref die minister se verwysing na opvoeding, is dit ´n leë verskoning, want juis die ANC regime het met sy aanhang van “menseregte” die behoorlike, beginsel-begronde opvoeding van kinders ondermyn – ouers wat kinders tug kan hulself spoedig in die warm water bevind

Vryburger

Artikel 2

Niks word in N-Tvl gesteel nie

Sedert April 2014 tot Maart 2015 is geen motor of motorfiets in tien dorpe in die Noord-Transvaalprovinsie gesteel nie. Dít is volgens die jongste misdaadstatistieke wat bekend gemaak is.

Nie net het die diefstal van motors en motrofietse gedaal nie, maar in Pietersburg het dit met 100% afgeneem. Aldus die misdaadstatistiek is daar in die 2013-’14-boekjaar 134 motors in Pietersburg gesteel, maar vanaf April 2014 tot Maart 2015 is daar nie ’n enkele motor of motorfiets gesteel nie.

Ook in Ellisras, waar misdaad skerp gestyg het sedert die Medupi-kragstasie gebou is, het ook nie ’n enkele motordiefstal plaasgevind nie. Dít terwyl 20 motors die vorige jaar gesteel is.

Motordiefstal in onderskeidelik Thohoyandou, Lebowakgomo, Nylstroom, Seshego, Warmbad, Mookgophong, Phalaborwa en Messina het ook met 100% gedaal.

Lt.kol. Ronél Otto, polisiewoordvoerder in Limpopo, sê dit kan wees dat motors in die dorpe nie gesteel is nie, maar gekaap is en dit in die statistiek onder motorkapings aangeteken is. In Louis Trichardt is nege motorkapings en in Jane Furse agt motorkapings aangemeld.

In Pietersburg is tien motors gekaap vanaf April 2014 tot Maart 2015. Vryburger

 

Artikel 3

Maties Verraad!

In ´n skok-ommekeer het die die raad van die US se bestuur Maandag besluit om Afikaans te verwerp.

Dit is benewens die kapitulering voor druk van die SAKP se Blade Nzimande, wat voortaan vyf raadslede, eerder as die huidige drie, sal aanwys.

Die skok-besluit kom na druk deur ´n rassistiese minderheid, Open Stellenbosch, se leuen-video, en naakte politieke inmengery deur die regime se ministerie van Hoër onderwys.

Hierdie een troste universiteit is die nuutste slagoffer in die haatveldtog teen die Afrikaner, ons erfenis en ons toekoms.

Die universiteit, wat in 2016 sy 150-bestaansjaar sou vier, was eens ´n bakermat van die groei van Afrikaans tot wêreld-erkende akademiese taal.

Volksreuse soos doktors Malan en Verwoerd tel onder die alumni.

´n Ontleder het aan Die Vryburger genoem dat hierdie optrede onderstreep die haatveldtog van die regime, wat self weinig akademiese instellings daargestel het in 20 jaar, en voor dit wat wel op belastingbetalerkoste vir hulle volgelinge voorsien is, verwoes het.

Maar dit wys ook dat die achilleshiel van ons volk se toekoms is volksverraad van binne eie geledere – lesers kan maar die name van raadslede gaan nalees om die tragiese waarheid hiervan te bevestig. – Vryburger

 

Artikel 4

Statistiek vertel nie die volle verhaal nie

Terwyl die onlangs-getransformeerde Solidariteit-mondstuk, Pretoria FM, die “regstaat” wat ons geniet verdedig en luisteraars oproep tot “koestering van ons grondwet”, word stygings in misdaadstatistiek allerweë verwag.

In die afgelope weke is gereeld in die pers berig van, onder andere, ooglopende verskille tussen polisie-statistieke en die werklike aantal moorde.

Akademici en versekeringsmaatskappye se navorsing vertel deurlopend die tragiese verhaal van stygende misdaad.

Kommentators is dit eens dat Riah Phiyega weinig meer kan doen as om verskonings aan te bied vir die ANC se mislukkings.

Maar statistieke vertel nie van die impak op gesinne en naasbestaandes se lewens nie.

Veral diegene wie se geliefdes ´n marteldood sterf net omdat hulle blank en Afrikaners is, wat hulle die teikens maak vir swart moordbendes.

Ook die samelewing word ontsettend hard getref deur die volksmoord, veral op plase, wanneer dit boerdery tot stilstand ruk.

Dit vertel ook nie van die vrees van slagoffers óf ander nie: mense bly toenemend in gefortifiseerde wonings, wat ons sosiale samesyn verder ondermyn.

Die verliese uit selfs nie-geweldsmisdaad het vermoedelik ´n gerieflike belasting-melkkoei geword.

Nie dat nie-kontak misdaad, soos huisbraak in afwesigheid van bewoners, nie ook die slagoffer ernstig traumatiseer nie: ons huise is waar ons veronderstel is om tuis te kom, geborge te voel.

Rowers wat hierdie tuiste ongenooid binnedring verydel, daardie geborgenheid.

Veral vertel misdaad-statistiek en die herkou-kommentare nie die waarheid van  waarom misdaad sulke afmetings aanneem nie.

Ofskoon die SAPD onbeholpe, geteister deur korrupsie en swak leierskap en onderbefonds is, ofskoon ons howe op grond van die gevolglik waardelose ondersoeke meer en meer misdadigers nie kan vervolg nie en korrektiewe dienste oorvol tronk-bevolkings snoei met parool vir herhaal-misdadigers, is al hierdie feite blote simptome.

Dit is die simptome van ´n regime vir wie onregmatigheid ´n kern (wan)waarde is – dit is immers ´n regime van terroriste, moordenaars en landrowers.

´n Regime wat ´n eie polisiemag het om hulle wonings te beskerm, hulle te vervoer op ons paaie, sodat hulle met ´n groot mate van eerlikheid kan sê misdaad is nie ´n krisis nie – want hulle sê dit uit hulle veiligheids-glaskastele.

Dit is die simptome van party-politiek, waar selfs opposisie-politici eerder hul eie sakke vul met buitensporige vergoeding, as om geld aan te wend vir veiligheid en sekuriteit.

Dit is die simptome van politici wat bewese bande het met korrupte sakelui, berugte rampokkers, ´n uitvoerende gesag wat die belastingbetaler openlik en skaamteloos besteel, maar deur die parlement straffeloos beskerm word.

Selfs die handjievol politici en meelopers wat wel voor ons howe gedaag word, stap weg met ligte strawwe, goue handdrukke en hul buit onaangeraak.

Dit is die simptome van ´n bevolking wat ´n kombers van eiegeregtigheid en “menseregte” trek oor rassehaat, luiheid en gierigheid, wat verkies om te vat wat ander voor gewerk het, eerder as om self te werk.

Joffre Papenfus – Vryburger

 

Artikel 5

Terugslag vir Afrikaans by Maties

AfriForum Jeug het met kommer kennis geneem van die besluit van die Universiteit van Stellenbosch (US) se Raad tydens hulle Raadsvergadering op 28 September om nie meer Afrikaans as onderrigtaal te beskerm in die amptelike taalbeleid van die universiteit en ander dokumente nie.

“Die feit dat die Raad die woord ‘beskerm’ verwyder, wys dat die Raad geen voorneme het om Afrikaans as onderrigtaal by die US te behou nie, die Raad is dus direk aanspreeklik vir die wegval van Afrikaans by nog een van SA se universiteite,” het Eduan Dupper, woordvoerder van AfriForum Jeug, gesê.

“Dit is ongehoord dat die Raad gehoor gee aan die eise van ʼn radikale en rassistiese groepering soos Open Stellenbosch (OS) wat weier om met die universiteit te vergader en nie eers ʼn geregistreerde organisasie op kampus is nie,” het Dupper bygevoeg.

AfriForum Jeug is van mening dat die Raad hom nie moet laat voorsê deur groeperings sonder enige legitimiteit en wat nie bereid is om die korrekte kanale te volg nie. Daar is talle ander organisasies wat gereeld insette lewer deur die regte prosedures te volg, maar dit blyk asof die Raad nie ag slaan op hulle menings nie maar eerder reageer op diegene wat nie die prosedures volg nie.

AfriForum Jeug is ook van plan om ʼn skrywe aan die Raad te rig om onder meer uit te vind wat die redes vir die besluit is asook hoekom daar nog geen dissiplinêre stappe teen lede van OS geneem is wat klasse ontwrig het en ander studente van hulle klastyd ontneem het nie, terwyl daar vinnig teen raadslede opgetree word wat hulle vryheid van spraak gebruik om ideologieë soos transformasie te bevraagteken.

“Die Raad moet ook nie dink dat Open Stellenbosch die stem van die algemene student op Stellenbosch is nie en hulle verteenwoordig hoegenaamd nie die oorgrote meerderheid van studente op Stellenbosch nie. Hulle sal moet besluit wat belangriker is, hulle eie studente of studente van ander universiteite wat met busse aangery word?” het Dupper afgesluit.

Afrikaans is weereens die teiken van radikale transformasie. Dit is duidelik dat daar geen staanplek vir Afrikaans in ons sogenaamde “reënboognasie” is nie.- Afroforum

transformation3

Artikel 6

Afrikanervolksmoord: Wie sit daaragter?

 Met Suid-Afrika se astronomiese moordsyfer wat gister weer bekendgemaak is, is dit helder dat geweldsvlakke in die land toeneem eerder as afneem. Gruwelike plaasmoorde, huisrowe en verkragtings kombineer om die situasie vir baie mense onhoudbaar te maak, wat eenvoudig landuit vlug of emigreer. Maar is dit nie presies wat die vyand wil bereik, om ons uit die land te verdryf in ‘n etniese reinigingsproses nie?

‘n Jaar gelede het ek in ‘n rubriek die aandag gevestig op die verskynsel dat marxistiese bewinde en volksmoorde gewoonlik sinoniem is: Volksmoord en die tweede revolusie. Suid-Afrika word gedeeltelik deur ‘n kommunistiese party geregeer wat oor ‘n geskiedenis van Boerehaat beskik. Heel onlangs het die leier van die SAKP, Blade Nzimande, wat ook die minister vir hoër onderwys is, hom sterk teen Afrikaans uitgelaat, iets wat nogmaals die etniese haat verraai het wat binne die party jeens Afrikaners gis en borrel. Die tweede revolusie wat deel van die SAKP se doktrine is, sou die geleentheid kon bied vir die grootskaalse uitwissing van minderheidsgroepe, veral Afrikaners. Sedert onafhanklikwording het verskeie volksmoorde in Afrika plaasgevind: dink maar aan Rwanda, Darfoer, die Itoeri-provinsie van die DRK en elders.

Afrikaners word op grond van ras en taal deur die Suid-Afrikaanse Kommunisteparty geteiken. Dog daar mag ook ander instrumentele redes wees waarom ons uit die land verdryf of uitgewis moet word.

Heel onlangs het ek ‘n toevallige gesprek met ‘n speurder van die Lindense polisiestasie in Johannesburg gehad. Volgens hom word die meerderheid gewapende aanvalle en plaasmoorde deur Zimbabwiërs gepleeg wat militêr opgelei is. Sulke aanvalle word dan ook met die spreekwoordelike “militêre presisie” uitgevoer. Die vraag is nou: waarom sou Zimbabwe van sy soldate in burgerdrag oor die grens stuur om ons te kom aanval? Is daar ‘n oorhoofse strategie en wie het dit bepaal? Die samewerking tussen ZANU PF en die ANC-SAKP kan seker nie beter nie, want Mugabe word met volle eerbewys in die land ontvang. Dieselfde soort “Tsjimoerenga” of revolusie met grondroof word vir Suid-Afrika in die vooruitsig gestel. ‘n Tyd gelede het Mugabe laat val dat hy in die negentigerjare met grondroof in sy land gewag het omdat hy nie die SA blankes die skrik op die lyf wou jaag terwyl die ANC-SAKP nog besig was om die veiligheidsmagte oor te neem nie, dus heers daar op hoë vlak strategiese samewerking tussen die twee lande.

Nog iets wat die Lindense speurder vir my sê, is dat die ANC-regering die gewapende rowers beskerm. Sodra die polisie hulle begin vasvat, word daar van bo af by polisie-ondersoeke ingemeng, eenhede word ontbind of sake word eenvoudig belemmer sodat die rowers, eintlik aanvallers, nooit skuldig bevind word nie. Gestel dat gewapende rowe gebruik word om plaasaanvalle en militêre opleiding van volksmoordenaars of “genocidaires” soos dit op Frans heet, te befonds? Om skadu-agtige “misdadigers” te gebruik om burgerlikes te vermoor, is natuurlik die ideale situasie, want nóg ons regering nóg dié van Zimbabwe sal ooit hiervoor aanspreeklik gehou word. Dis mos “net misdaad”, soos ons daagliks verseker word, al is al die aanvallers militêr opgelei en al maak hul duiwelswerk deel uit van ‘n breër strategie wat moontlik deur regerings en inligtingsdienste bepaal word.

In my vorige rubriek het ek ook verwys na Solsjenitsin se bewerings dat Jode soveel Russe tydens die revolusie in daardie land uitgemoor het:

Solsjenitsin het beweer dat Jode onder Stalin vervolg is, maar dat hulle tydens die aanvanklike Bolsjewistiese oorname massamoorde op Russe gepleeg het of laat pleeg het. Jode was ook oorverteenwoordig in die gevreesde Tsjeka of geheime polisie.

Nou is dit ook opvallend dat daar by die huidige aanstigting van Boerehaat, waaronder die veldtogte teen Afrikaans op skool en op universiteit, soveel Jode betrokke is. ‘n Mens sou dink dat Jode, wat self taalnasionalisties genoeg was om Hebreeus ná 2000 jaar te laat herleef, waardering vir Afrikaners se taalgevoelens sou hê. Maar nee. Ook die joernaliste en ander figure wat Steve Hofmeyr dit verkwalik dat hy soms Die Stem sing, is merendeels Jode in Johannesburg of Kaapstad.

Sekerlik is daar konserwatiewe Jode ook en sou ‘n mens kwalik kon beweer dat die meerderheid Jode in Suid-Afrika van Boerehaatveldtogte teen Afrikaans ‘n stokperdjie gemaak het. Nogtans kan ‘n mens nie anders as om ‘n radikale groepie van ultraliberale of marxistiese Jode raak te sien wat kennelik meen dat die werk van die SAKP nie voltooi is solank daar iewers nog ‘n Afrikaanse skool of Afrikaanse universiteit bestaan of ‘n Afrikanerboer wat ‘n plaas besit nie. Een van hulle, Glen Moss, skrywer van die onlangse boek The new radicals, het in my huis aan my gesê dat die Afrikaanse woordeboek binnekort “oorbodig” gaan wees omdat die taal nie meer sal bestaan nie.

Volgens die Jerusalem Post ontvang Robert Mugabe hulp van Israelse maatskappye en die Mossad om stemme tydens Zimbabwiese verkiesings te manipuleer. Dié bewering is nog nooit ontken nie. Die Israelse argiewe het ook tydens Mandela se dood ‘n dokument vrygestel waarin bekendgemaak is dat die Xhosa-revolusionêr in die sestigerjare opleiding van die Mossad ontvang het. Mandela se bande met Jode in Johannesburg, New York en elders, is alombekend en hy het ook daaroor in sy outobiografie, Long walk to freedom, geskryf:

At Wits, I met many people who were to share with me the ups and downs of the liberation struggle, and without whom I would have accomplished very little. Many white students went out of their way to make me feel welcome. During my first term at Wits I met Joe Slovo and his future wife, Ruth First. Then as now, Joe had one of the sharpest, most incisive minds I have ever encountered. He was an ardent Communist, and was known for his high-spirited parties. Ruth had an outgoing personality and was a gifted writer. Both were the children of Jewish immigrants to South Africa. I began lifelong friendships with George Bizos and Bram Fischer. (Mandela, Long walk to freedom, hoofstuk 10)

Die Afrikaanse digter en vorige redakteur van Sarie en Rapport, wyle Izak de Villiers, het my op ‘n keer attent gemaak op die hoeveelheid Jode wat onder die beskuldigdes tydens die Rivoniaverhoor saam met Mandela verskyn het. Trouens, daar was feitlik geen blankes behálwe Jode nie. Tot my taamlike verbasing het die Joodse Raad van Afgevaardigdes in die onlangse verlede hom vereenselwig met die terreur, sabotasie en ander dade wat radikale, kommunistiese Jode soos Joe Slovo, Ronnie Kasrils en ander sedert die sestigerjare in Suid-Afrika gepleeg het.

Hoewel Beeld en ander linkse koerante in Suid-Afrika deesdae terreur as ‘n “middel tot ‘n doel” geheilig het, moet ons besef dat terrorisme steeds ‘n internasionale misdaad is wat wêreldwyd vervolgbaar is. Daar is selfs lande waar terroriste verhoor kan word wat terreur buite hul eie jurisdiksie gepleeg het!

Tesame met Kuba, Noord-Korea, Zimbabwe en ‘n paar ander, beskik Suid-Afrika tans oor een van die mees radikale regerings ter wêreld, ‘n regering wat dalk nie self volksmoord sou pleeg nie, maar wat dit op allerlei maniere mag ondersteun of vergemaklik deur opgeleide terroriste vanuit ‘n buurland soos Zimbabwe op ons grondgebied toe te laat en te sorg dat hulle nie gevang of vervolg word nie.

Malema is sekerlik een van die mees radikale politici ter wêreld wat toegelaat word om aan die hoofstroompolitiek deel te neem. Hy vaar openlik teen die Afrikanerminderheid uit, hoewel hy reeds van haatspraak en aanhitsing tot volksmoord aangekla is. Die plaaslike korrespondent van die Londense Guardian, David Smith, is amper die persoonlik publisiteitsagent van Malema, want hy volg hom oral waar hy gaan en twiet en berig oor elke juweeltjie uit die man se mond. My gesonde verstand sê vir my dat Malema, wat oor ‘n “houtwerkmatriek” beskik, nie man-alleen ‘n politieke party en massa-organisasie met ‘n internasionale publisiteitsmasjien op die been sou kon bring nie. Agter Malema staan daar duistere magte waaroor ons maar net kan spekuleer. Hy is egter die “swart gesig” van die “tweede revolusie”, nes Mandela dié van die eerste revolusie was.

Wat is die uiteindelike doelwit? Vandat FW de Klerk en die Broederbond polities geabdikeer het, is alle Afrikanerbates eintlik beskikbaar om geroof of gekonfiskeer te word. Die mite dat ons “die grond van die swartes gesteel het”, word elke dag in die massamedia gepropageer, wat die weg op radikale optrede voorberei. Ons plase, huise, aandele, pensioenfondse, selfs spaarrekenings, is alles beskikbaar vir wie ook al die goetspa gaan hê om dit af te vat.

Hoeveel lewens in die proses verlore sal gaan, weet ons nog nie. ‘n Mens voel egter instinktief aan dat Suid-Afrika maar nog aan die begin van sy gewelddadige fase verkeer. Die “groot transformasie” kom nog. Onthou dat “transformasie” nog altyd deur Suid-Afrikaanse kommuniste as ‘n eufemisme vir “revolusie” gebruik is. Die revolusionêre het nou maar eers bloed geruik.

Die probleem met Afrikaners is dat hulle, anders as hul vyande, nie ideologies dink nie. Trouens, die meeste Afrikaners het geen benul van marxisme of ander radikale ideologieë nie en stel ook nie daarin belang nie. Die geskiedenis van die twintigste eeu en sy revolusies is vir hulle ‘n geslote boek.

Intussen sit ons hier op ‘n kruitvat van radikalisme, hebsug en etniese haatgevoelens wat een of ander tyd tot uitbarsting móét kom. En let wel: dis glad geen rassestryd nie, hoewel ras natuurlik daagliks witwarm aangeblaas word.

Na my ervaring koester swartes geen spontane afkeer van of haatgevoelens jeens Afrikaners nie. Tans word hulle egter geléér om ons te haat.

Diegene wat ons die meeste haat, is ook nie swartes nie. Trouens, daar is selfs ‘n paar verloopte Afrikaners – kinders van Bram Fischer – onder hulle wat hand om die blaas met die radikale aanhou om ons verdag te maak en as afstootlike “rassiste” voor te stel.

Wat ek nou skryf, sal weereens op dowe ore val. Slegs ‘n klein groepie Afrikaners stel nog belang om oor ons toekoms te dink, asook die hede en verlede na behore te ontleed. Wat nodig is, is dat ons kwessies soos Boerehaat, volksmoord en marxisme in boeke en artikels moet boekstaaf sodat die wêreld nie verbaas sal wees as die onvermydelike plaasvind nie.

So ‘n ontleding mag selfs volksmoord verhoed, hoewel ek kry die gevoel dat Suid-Afrika blindelings op ‘n ramp afstuur, met Afrikaners wat soos lammers ter slagting agter een of ander Fluitspeler van Hamelin vrolik na hul dood toe sal aanstap. In die onlangse verlede het ons dit al soveel keer gesien.

Hopelik word ek verkeerd bewys…  Dan Roodt – Praag

 

Iemand het gesê die mense sit in die huis en TV kyk terwyl die huis om hulle afbrand maar hulle wag en hoop dat die brandweer die brand betyds sal kom blus- is dit nie wat op die oomblik gebeur nie ons sit in die brandende juis en hoop dat iemand die brand sal kom blus nie?

 Is dit nie tyd vir selfbeskikking nie?

Hier is ‘n paar gedagtes oor selfbeskikking wat oor ‘n tydperk geskryf is deur Hannes, Daniel, Schalk en Marius Smith. Om dit in hierdie formaat te lees, gee ons ‘n beter begrip van selfbeskikking met ‘n paar praktiese stappe daarby. Dit is in 3 dele. Gevolglik begin ons met Front Nasionaal SA se beleid soos aangeneem 10 DESEMBER 2013:

FRONT NASIONAAL neem as amptelike partybeleid die resolusie aangeneem deur die Verenigde Nasies se algemene vergadering op 30 November 1970 en –

1.Aanvaar die legitimiteit van onderdrukte mense se reg tot selfbeskikking en om daardie reg na te jaag met enige middels tot hulle beskikking;

2.Erken die reg van onderdrukte mense om in die uitvoering van hulle reg tot selfbeskikking te vra vir morele en materiële ondersteuning in ooreenstemming met resolusies van die Verenigde Nasies en in die gees van die Handves van die Verenigde Nasies;

  1. Doen ‘n beroep op alle regerings wat die reg tot selfbeskikking minag, om daardie reg te erken in ooreenstemming met internasionale strukture en die beginsels en gees van die VN Handves;

4.Erken dat die verkryging en onthouding van grondgebied vir selfbeskikking ‘n oortreding en minagting is van die Handves;

5.Veroordeel regerings wat die reg tot selfbeskikking weerhou van mense wat daartoe geregtig is.

PROGRAM VAN BEGINSELS:

1.Dat in ooreenstemming met Artikel 235 van die Suid Afrikaanse Grondwet ons die reg tot selfbeskikking opeis;

2.Dat alle diskriminerende wetgewing en praktyke gerig op mense op grond van hulle ras, onwettig verklaar word, met spesiale verwysing na:

Regstellende aksie
Swart ekonomiese bemagtiging
Kwotas in sport en onderwys
Grondhervorming

  1. Dat die groep wat hulle reg tot selfbeskikking en uiteindelike onafhanklikheid opeis, as volg gedefinieër word:

Die etniese groep bekend onder die naam “Afrikaner” en/of “Boer” en alle persone van Europese afkoms wat identifiseer met die groep;
Gebaseer op die westerse/europese lewensbeskouing en karakter wat betref taal, kultuur, gebruike en tradisies, godsdiens en geskiedenis;
Dat meganismes geskep word waaronder die spesifieke groep in beheer geplaas word van hulle eie geskiedenis, taal, onderwys en kultuurlewe in ooreenstemming in in proporsie tot die hoeveelheid belasting wat betaal word deur die persone wat hulle met die spesifieke etniese groep identifiseer;
Dat stappe geneem word om ‘n grondgebied/e te identifiseer binne die grense van die huidige Republiek van Suid Afrika in ooreenstemming met die geskiedenis, demografie en ander faktore, en dat volle onafhanklikheid toegestaan word nadat ‘n deeglike studie gedoen is oor grense.
**********

Die verkryging van selfbeskikking word gemeet aan die bepalinge van die Monte Video Konvensie, wat as maatstaf aanvaar is deur die Verenigde Nasies. Hier is drie belangrike vereistes ter sprake om die geldigheid van ‘n selfbeskikkingsaanspraak te meet:
1) Berus die aanspraak op ‘n demografiese meerderheid?
2) Berus die aanspraak op historiese bewese besitreg?
3) Word die aanspraak erken deur minstens een erkende staat? Artikel 235 van die grondwet lees soos volg:

“The right of the South African people as a whole to self determination, as manifested in this Constitution, does not preclude, within the framework of this right, recognition of the notion of the right of self determination of any community sharing a common cultural and language heritage, within a territorial entity in the Republic or in any other way, determined by national legislation.“

Soos jy seker weet is die klousule deur die VF in 1994 beding. Verder het die ANC ‘n 35% steun vir selfbeskikking gestel voor die 1994verkiesing as bewys dat daar genoegsame steun vir selfbeskikking is. Ook is daar ‘n drie-ledige skriftelike ooreenkoms tussen die ANC, NP ( as die wettige regering op daardie stadium ) en die VF op 23 April 1994 aangegaan dat self beskikking in die toekoms aangespreek kan word. Die VF het 37 ½% steun die verkiesing behaal. Met die sertifisering van die 1966 Grondwet is daar aanvaar dat selfbekikking ‘n reg is. Bewese steun vir selfbeskikking is dus nou nie meer nodig nie.
‘n Wet op Selfbeskiking moet nou geskryf word om uitvoering aan die laaste vier woorde van art 235 te gee. Die skryf van die wet moes natuurlik eintlik 17-18 jaar gelede ‘n aanvang geneem het maar NIEMAND het dit gedoen nie !

Maruis Smith

Ek gaan môre aand aan met die praatjie oor selfbeskikking,

Stof tot nadenke – gaan ons sit en TV kyk en giggel na Trevor Noah terwyl die huis om ons afbrand of gaan ons self die brand blus?

imro


 

Enjoyed this post? Share it!