Skole moet teen September verander

skole

Skole is tot 30 September kans gegee om te “verander” om te voldoen aan die LUR van onderwys in Sentraal-Transvaal, Panyaza Lesufi, se transformasievereistes.
Die LUR het veral blanke skole en hul beheerliggame, wat volgens hom “baklei teen transformasie,” tydens ‘n radio-onderhoud duidelik laat verstaan: óf hulle verander self, óf hy dwing daardie verandering aan hulle op.
Uitsluiting omrede skoolfondse wat volgens hom te hoog is, is nog ‘ndoring in sy vlees. Bemiddelde skole is aldus Lesufi onwillig om hulle “hulpbronne te deel” en hou sodoende arm skole in ‘n wurggreep van armoede.
Lesufi het glo reeds ‘n interne span beamptes aangestel om na hierdie saak ondersoek in te stel en en te kyk na skole wat na apartheidsleiers genoem is.
Lesufi, het “’n ideologies-gedrewe program” begin “om enkelmedium Afrikaanse skole te dwing om te verengels”.
Hierdie proses word gedryf op die veronderstelling dat daar nie genoeg skole in die provinsie beskikbaar is nie. Hy ontvang ‘n wesenlike begroting om nuwe skole te bou, maar doen dit nie, het adv. Anton Alberts van die VF Plus in ‘n mediaverklaring gesê.
Die VF Plus het hom “daarom by die ouditeur-generaal verkla wat onderneem het om te ondersoek of hy voldoen aan die Openbare Finansiële Bestuurswet. Die minister van basiese onderwys moet ag slaan op die LUR se optrede voordat die rassisme daarvan in die regering se gesig ontplof,” sê adv. Alberts.- vryburger

Enjoyed this post? Share it!