Suid Afrika ‘n land met dubbel standaarde: twee stelle reëls word op verskillende rassegroepe toegepas

Sommige sou dit verregaande vind om te oorweeg dat blatante vervolging op rassegrondslag in Suid Afrika sou kon voorkom. Onthou dat ons konstant met ‘n polities korrekte paranoia oor ‘n kamstige skuld uit die verlede gepeper word.

Dit is totaal onverklaarbaar hoe ongebalanseerd dieselfde twee reëls op verskillende rassegroepe toegepas word. Skuldlas waarmee ons gebreinspoel word laat ons dit egter elke keer miskyk, regverdig, wegpraat, of dit nie met die verdiende entoesiasme aanspreek nie.

Na Gustav Müller in dieselfde gastehuis tuisgegaan het as ‘n persoon wat ‘n onwettige wapen by hom gehad het (en dit erken het), is hy vir drie maande sonder borg toegesluit en ongeveer twee jaar onder huisarres geplaas. Ná ‘n stryd om borg te kry, is dit op R15 000 vasgestel, en dit met net een onwettige vuurwapen as bewysstuk, en Gustav Müller as beskuldigde Nr 3.

Vergelyk dit met die volgende hofuitspraak:

Sewe mense met mortierbomme van die Mosambiekse weermag is in Tonga Mpumalanga gearresteer. Die vyf mans en twee vroue was in besit van mortierbomme met ‘n geraamde waarde van R3.7 miljoen. Volgens Kapt Dineo Sekgotodi: “Die verdagtes is op aanklagte van die onwettige handel van profstof in hegtenis geneem.” Die vyf mans en twee vroue is Woensdag op borgtog van R1 500 elk vrygelaat.

Verwys ook gerus na die jarelange Boeremag verhoor, waarin eindelose provokasie, onregmatighede, en valse bewyse deeglik deur verklarings deur polisielede weerlê is.

Beskik ons hoegenaamd oor die vermoë om regverdig te onderskei tussen die dubbel standaarde wat toegepas word in blanke teenoor swart vervolging. Terwyl swartmense met ‘n arsenaal van terreurwapens spotgoedkoop borgtog kry, word twee blankes wat ‘n swartman in ‘n kis druk, steeds borgtog geweier.

Wanneer gaan die realiteit waarmee ons gekonfronteer word, belangriker as rugby en braaivleis word.

Bron: Suidlanders


Enjoyed this post? Share it!