Swart misdadigers beskuldig wit regter van bevooroordeeldheid na moord aanklag

Vier veroordeelde moordenaars het hulleself tot die appèlhof gewend omdat hulle beweer het dat die wit Regter, bevooroordeeld teenoor hulle was omdat hulle vermoorde slagoffer ook wit was en beide Afrikaanssprekend is.

Die appèlhof het dit as onsin verwerp, en beslis dat Regter, Callie Cillié, heeltemal reg opgetree het, en ook dat hy nie geslaap het tydens die saak nie. Die moordenaars het hom daarvan beskuldig dat hy ingesluimer het tydens hulle verhoor. Dit is ook deur die appèlhof verwerp.

Khetani Nkabinde, Orapeleng Mogoje, Aubrey Dikobe en Jabulane Makhene is deur regter Cillié, lewenslange tronk toe gestuur nadat hulle die 55-jarige Mnr. Piet de la Rey van Potgietersrus op 8 Augustus 2008 sowat 3 km van Petrusburg op die pad na Bloemfontein vermoor het.

Adv. Paul Shapiro, regsverteenwoordiger van die moordenaars, het skynbaar aangevoer dat geen wit Afrikaanssprekende Regter ‘n saak kan aanhoor as die beskuldigdes swart is nie. Appelregter, Ashton Schippers, het gesê so ‘n betoog is onhoudbaar.

Bron: Die Vryburger


Enjoyed this post? Share it!