Tamatiebredie met ryspasta

 

Genoeg vir 4 mense
Bereiding: 15-20 minute
Gaarmaaktyd: sowat 1 uur

1 kg skaapstowevleis met beentjies
sout en peper
125 ml (½ k) meel
40 ml (8 t) olyfolie
1 groot ui, grof gekap
3 wortels, grof gekap
3 selderystingels, grof gekap
1 blik (410 g) gekapte tamaties
250 ml (1 k) water
80 ml (¹⁄ ³ k) tamatiepasta
15 ml (1 e) sagte bruinsuiker
250 g ryspasta

  1. Geur die stowevleis met sout en peper en rol elke stuk in meel. Skud die oortollige meel af.
  2. Verhit van die olie in ’n kastrol en braai die vleis ’n bietjie op ’n slag tot goudbruin en skep uit.
  3. Verhit nog olie en braai die ui, wortel en seldery ’n paar minute.
  4. Plaas die vleis terug in die kastrol, voeg die tamaties, water, tamatiepasta en bruinsuiker by en geur na smaak.
  5. Prut sowat 1 uur of tot die vleis sag is.
  6. Roer die ryspasta by en laat prut tot gaar.

Voeg fyn gekapte spinasie ’n minuut of twee voor die einde van die kooktyd by. 

Deur Huisgenoot Digitaal op Mei 30, 2014

 

Enjoyed this post? Share it!