Universiteite steier weens betoog skade

Die geraamde koste van die skade wat sedert Oktober verlede jaar aangerig is allen by universiteite regoor die land beloop bykans R460 miljoen.

Die minister van hoër onderwys en sekretaris-generaal van die SAKP, Blade Nzimande, het die parlement meegedeel dat sy departement ondersoek instel oor watter universiteite versekeringseise sal instel om van hulle skade te probeer verhaal.

Die skade weens landswye betogings, agter die dekmantel van #FeesMustFall, het aanvanklik meer as R300 miljoen beloop, maar volgens die jongste syfer vir die tydperk van Maart tot Mei vanjaar het dit met meer as R100 gestyg weens die verwoesting wat in net twee maande aangerig is.

Van die instellings wat die ergste geraak is, is die Noordwes Universiteit (R151 miljoen), die Universiteit van Johannesburg (R100 miljoen), die Universiteit van Natal (82 miljoen), die Technikon Pretoria (R34 miljoen) en die Universiteit van die Wes-Kaap (R46 miljoen).

Aldus Nzimande het sy departement meer as R40 miljoen bygedra om die skade te herstel by vyf universiteite wat deur hom as “histories benadeel” beskryf is.

Versekeringsmaatskappye sal vir die res van die skade moet instaan.

 Bron: Vryburger


Enjoyed this post? Share it!