Verbruikers betaal vir krag wat nie beskikbaar was nie

Verbruikers betaal vir krag wat nie beskikbaar was nie

Die Nasionale Energiereguleerder sal aanstaande maand openbare verhore hou oor Eskom se aansoek om meer as R 22 miljard van verbruikers af te pers.

In sy aansoek eis Eskom vergoeding vir verlaagde verbruik – daardie verlaagde verbruik wat genoodsaak was deur die kragvoorsiener se onvermoë om voldoende krag te lewer!

In doodgewone taal:

Eskom het nie beskik oor enige produk om te verkoop nie, nou moet verbruikers daarvoor betaal.

Eskom eis onder andere R 11,7 miljard weens inkomste-verliese en R 8 miljard vir addisionele opwekkingskoste, beide ten opsigte van die 2013/14 jaar.

Benewens die feit dat krag vir die beweerde verlies aan inkomste nie beskikbaar was vir lewering nie, kan daarddie bedrag grootliks opgemaak word uit agterstallige skulde.

Die R 7,1 miljard wins sluit vermoedelik reeds alle onkoste in – waarom dit weer eis?

´n Oorsig van Eskom se gepubliseerde finansiële resultate bied die volgende interessanthede: (bedrae is R miljard)

  Mrt ’15 Mrt ’14 Mrt ’13
Wins

3.6

7.1

5.2

       
Debiteure

22.6

20.2

16.7

Oninbare skuld

7.4

5.7

4.3

 % Agterstallig

33%

28%

26%

       
Soweto

4.2

3.6

3.2

Agterstallig

4.0

3.4

3.1

  % Agterstallig

95%

94%

97%

Die kern-probleem bly die verklaarde oninbare skuld, wat jaar na jaar astronomies groei – baie spesifiek in Soweto, met ´n 16% betaalkoers, terwyl dienste steeds gelewer word.

´n Ander opspraakwekkende onthulling is dat Eskom verkies om etlike honderde miljoene Rande jaarliks nie as inkomste te verklaar nie, waar kraglewering geskied onder aanname dat die rekening oninbaar is – reeds op datum van lewering!

Uiteindelik is die knaende aandrang op verhogings vir gewaande “verliese” bloot nie regverdigbaar nie.

In wese kom dit neer op indirekte belasting op diegene wat elektrisiteit betaal.

Verder, die feit dat die kragvoorsiener wins toon ten spyte van die buitensporig hoë agterstallige rekeninge, is dit duidelik dat sekere segmente van die samelewing direk deur ons gesubsidiëer word.- Die Vryburger

Enjoyed this post? Share it!