Vermiste Leeus bewys Polisie kan Boere beskerm, as hulle bang genoeg is, anders moet Boere leeus aanhou?

Sal Boere meer veilig wees as hulle leeus aanskaf? ‘n Boer vra die vraag na die onlangse geval waar 5 leeus vermis geraak het:

“Ek wil graag aan almal wat betrokke by die leeuvangekspedisie was, baie dankie sê vir al hul moeite, man-ure, toerusting op die grond, vaste vlerk vliegtuie, helikopters, IR nagsig- toerusting, beplanning en someer…

En aan die polisie ook my spesiale dank. Ek kan nie onthou wanneer laas ek so gereeld oggend, middag, en selfs tot na middernag, Fochville se polisie op patrollie gesien het nie. Selfs tot op my eie plaas!

Hier is my waarneming: 5 leeus vang ‘n bees of 2, dit haal die radio-nuus, tv-nuus, en koerante. Eensklaps sien jy net polisie!
Sommige met toestemming, ander sonder toestemming en sonder kennisgewing. Elke plaas in die omgewing het gewemel van die polisie. Honderde duisende Rande is reeds spandeer op dié “safari”.

My siening is: Los die leeus net waar hulle is! 5 leeus eet véél minder as 5 veediefstal-sindikaate!
Vir die eerste keer in maande slaap ek lekker, want ek weet, vanaand steel die bliksemse veediewe nie by ons nie. Hulle is te bang vir leeus en te bang vir die polisie om op my plaas te kom.

Daar is nie eers mens-spore op die hoof-grondpad te sien nie man! Waarom dan al die bohaai oor 5 leeustjies?

O ja, dis seker omdat hulle mense (swartmense) kan dood byt?

Hier is my probleem: Hoe is dit moontlik dat daar ewe skielik soveel polisie, en tyd beskikbaar is. Ewe skielik is daar helikopters, vliegtuie, nagsig toerusting, patrollies ens., beskikbaar?

Is ons boere se veiligheid en sekuriteit dan nie méér werd of belangrik nie?

Is ons diere, wat gestroop word, nie meer skade as wat die katte (leeus) nou al gevang het nie?

Waar trek die owerhede die balans? Nee wat, los maar die leeus net so waar hulle is……dan kan die polisie – met al die helikopters en vliegtuie en nagsig-toerusting, ens, ens, elders in ons land gaan skelms vang…en dan kan ek net weer n nag se sorglose slaap inkry, en nie te veel kommer of hulle ons dalk vanaand gaan vermoor of aanval nie. Of, wonder waarom blaf my honde tog weer so baie nie. Steel hulle vanaand beeste, of skape, of my voertuie, of diesel?

Ja Nee, los die leeus uit! Ons boere verloor liewer ‘n paar koeie wat deur leeus gevang word, eerder as wat ons plaasmense en plaasdiere verloor wat deur terroriste en veediewe gedood word.

Goeie nag al my mede-boere! Mag julle vannag veilig en rustig slaap!”


 

Enjoyed this post? Share it!

 
  • Spook

    Dis mos nou nie presies wat die man gese het nie…!!!

  • Spook

    Dis mos nou nie presies wat die man gese het nie…!!!