Voedseltekort en hoë pryse ons voorland

droogte mieliesDie gebied om Bultfontein, Wesselsbron en Hoopstad in die Vrystaat voorsien die meeste vir die land se voedselmandjie maar weens die droogte kon slegs 3% van dié boere tot dusver plant.

So sê Louw Steytler, voorsitter van GraanSA.
Hy sê dat nie net is die situasie kommerwekkend nie, maar elke Suid-Afrikaner gaan die probleem binnekort aan sy eie sak voel.
Die planttyd vir mielies verstryk vandeesweek en met so min boere wat nog nie geplant het nie, lyk die toekoms van voedselsekerheid donker.
Boeta du Toit, voorsitter van Agri Noordwes, sê nog net sowat 20% van boere het in dié provinsie geplant.
Die boere wat nou al geplant het, was glad nie onverskillig nie, want daar was nog ’n bietjie grondvog. Maar opvolgreën is nou broodnodig, anders is dit ’n groot misoes.
Mbavhi Maliage van die weerkantoor in Pretoria sê geïsoleerde reënbuie word vir die Noordwes, Vrystaat, KwaZulu-Natal en Noord-Kaap voorspel.
Oor die naweek word sowat 60%-kans op reën in KwaZulu-Natal voorspel en net 30%-kans vir die Noordwes en Vrystaat.
Geen reën word oor die naweek vir die Noord-Kaap voorspel nie.-Vryburger

Enjoyed this post? Share it!