Wat is die doel van CW

Wat is die doel van CW

Suid-Afrika het ernstige probleme in soverre dit korrupsie betref, maar dit is verblydend om te sien dat mense genoeg omgee om ‘n lawaai te maak.

Dit was die woorde van David Lewis, uitvoerende direkteur van die korrupsie-waghond Corruption Watch (CW).

CW is vier jaar gelede bekend gestel as ’n nie-winsgewende organisasie (NWO) wat korrupsie onafhanklik van die regering ondersoek.

Volgens ‘n kenner is daar nie ‘n meer verderflike ding as ‘n buitelandse NWO nie.

NWO’s onder watter name en doelstellings ookal, is altyd besig met subversie het hy gesê en as voorbeeld die val van die Oekraïne genoem wat betogers befonds en opgestook het, danksy $5 miljoen wat deur Victoria Nuland en haar man Jack Kagan na ‘n NWO gekanaliseer is.

Sy volgende sin bevestig die vermoede wanneer Lewis sê dat die  #FeesMustFall-studentebetogings is tekenend van lawaaimakers se optrede, want in ‘n demokrasie glo mense as daar nie na hulle geluister word nie, moet hulle harder en harder praat en dan sal hulle gehoor word.

Hierdie stelling beantwoord dalk die vrae wat almal vra: Waar het die t-hemde en plakkate so skielik vandaan gekom as dit ‘n spontane protes was?

Hoewel CW sedert sy registrasie meer as 11,000 sake van beweerde korrupsie ondersoek het, hou hulle ‘n redelike lae profiel.

Maar diegene wat buitelanders se optrede wil dophou oor inmenging kan gerus hiervan kennis neem.

Interessant is dat Lewis gevind het dat die twee sake waaroor daar die meeste woede is, is Nkandla en die Guptagate.

Mense is woedend oor die idee dat een persoon en sy trawante soveel voordeel op dié manier kan trek, het hy gesê.

Talle hooggeplaastes in die regering is erg bekommerd oor korrupsie en verleë daaroor, het Lewis gesê.- Die Vryburger

Enjoyed this post? Share it!