Wat was erger – Isolasie onder Apartheid of Rommelstatus onder Kommuniste ?

Opinie stuk: Ek vat die jongere geslag terug na die dae toe Suid-Afrika onder Apartheid totaal geisoleer was deur die Internasionale gemeenskap.

Ons was op sport gebied nêrens in die wêreld welkom nie.
Tog was die tydperk onder die Apartheids regering ‘n tydperk van vooruitstrewende ontwikkelings.

Onder Apartheid het groot name navore gekom en kon die isolasie veldtog ons nie verhinder dat ons met trots wêreld kwaliteit sisteme in plek kon hê nie.

Selfs met al die sport boikotte kon die wêreld ons nie verhinder om kwaliteit sporthelde en wêreld prestasies te lewer nie.

En wie sou ooit daai besondere Springbokspan van 1981 vergeet en in watter moeilike toestande hul moes speel terwyl meelbomme en anti-Apartheidsbetogers die omstandighede voortdurend versuur het nie. Tog was die Springbokke gedurende die sport islolasie jare as ‘n span beskou waarteen gespeel moet word.

Onder Apartheid was misdaad onder beheer en was werk volop, selfs vir die swartman. Die rand was in die tagtigs sterker as die dollar en was ons geld iets werd. Dink maar mooi wat jy in daardie jare vir tien sakkies kruideniersware betaal het, en wat ons vandag vir tien sakkies betaal?

Onder Apartheid het ons die sterktse ekonomie in Afrika gehad.

Onder Apartheid het ons die sterkste weeremag gehad .

Onder Apartheid het ons normes en waardes gehad.

Onder Apartheid het ons ‘n eenvoudige lewe gehad maar boeta was ons trots op die land.

En toe, 1992, teken ons daai trotsheid weg vir sport en geld.

Sedert 1994 het ons land agteruit gegaan. Die eens trotse ekonomie het bly versleg onder die ANC Kommuniste.

In 23 jaar het die ANC ons verwoes.

Misdaad, plaasmoorde, moord, rassisme en haatspraak het die land gepolariseer.

Die staatskoffers is leeg.

Alle Suid-Afrikaners is slegter af as voor 1994.

Slim het sy baas gevang. Die eens slimkoppe onder die blankes wat so lui lekker vertel het hoe ons die land van melk en heuning gaan word was verkeerd. Inteendeel ons het die land van bloed en vedriet geword.

As Japan en Duitsland binne 25 jaar na die tweede wêreld oorlog kon herrys as supermoonthede, is dit duidelik dat die Kommunisties beheerde ANC geen visie het nie.

Apartheid was aan die klok gehang as boos en vernederend, tog sien ons ‘n nuwe Kommunistiese Apartheid onder ‘n swart regering wat oënskynlik aanvaarbaar is.

Dat feit dat daar vooruitgang gemaak is onder Apartheid en in tye van isolasie, is nie eens debateerbaar nie. Alles was trots en eg Suid-Afrikaans.

Onder die rommelstatus van die regerende ANC is ons ‘n vergete ekonomie, waar buitelanders ons eens trotse industrië beheer en ons staatskoffers leeg steel.

Deur: Wessel Basson ( VVB )


Enjoyed this post? Share it!