Wenke met uit droog van kos ter voorbereiding van noodtoestande en kragonderbrekings

Wenke met uit droog van kos ter voorbereiding van noodtoestande en kragonderbrekings

droe kos4 droe kos3 droe kos2 droe kos1

Wenke met uit droog van kos ter voorbereiding van noodtoestande en kragonderbrekings
DROGING VAN GROENTE:
Gebruik slegs jong sagte groente van baie goeie gehalte.
Pluk vroeg in oggende en maak deeglik skoon en bewerk dadelik.
Sny in groot stukke of skywe.
Blansjeer die groente voor droging. Maak gebruik van die indompeling- of stoommetode.

SWAWELBEHANDELING:
Wanneer die indompelingmetode vir blansjering gebruik word kan die
Natrium-metabisulfiet reeds by die blansjeerwater gevoeg wor in ‘n konsentrasie van 1 tot .25% d.w.s. 3 tot 8g [1/10 tot ¼ ons] natrium-metabisulfiet op 2,5 liter water.
LET WEL: Uie en tamaties is die enigste groente wat glad nie hoef geswawel of geblansjeer word nie.

DROGING:
Dis belangrik dat groente vinnig moet droog. Werk dus liefs op warm dae.
Groente moet baie goed droog sodat geen vog agterbly nie.
Kunsmatige of oonddroging is suksesvolle metodes vir droog van groente.
Gedroogde groente hou ongeveer 6 maande goed, daarna verloor dit geur en smaak.
Vir droging gebruik ‘n houtraam met gaasdraad daaroor gespan.
Plaas dun lagies groente daarop.
Droog in die skaduwee waar daar ‘n trek is, byv. op ‘n stoep of onder ‘n afdak.
Indien enige twyfel bestaan of groente deeglik droog is, sprei die groente in dun lagie op ‘n bakplaat en verhit vir 15 minute in’n oond van
90 grade C. [180 grade F]

BERGING:
Aangesien gedroogde groente geneig is om weer vog te absorber, bêre dit in digte houers, byv. glasflesse, plastieksakke of blikke met digsluitende deksels.
In glasflesse of plastieksakke sal vog teen die kante kondenseer indien die groente nie goed droog is nie.
In so ‘n geval, plaas weer vir 15 minute op bakplaat in die oond op 90 grade C. [180 grade F].
Met die beurtkrag wat tans geïmplementeer word, het ons begin wonder oor alternatiewe metodes om kos te stoor.
Mens kan baie goed natuurlik verwerk en inlê, maar dit is nie die enigste oplossing nie!
Kos kan ook met baie groot sukses gedroog word.
Die groot geheim om jou eie groente te droog kom in by die gaarmaakproses. Dit is nie nodig dat alles gaar moet wees nie, jy kan byvoorbeeld tamaties net so rou droog – maar bone, wortels ensovoorts moet gaargemaak word.
Die voedsel moet eers gaargemaak word – met sout soos wat jy normaalweg sal gaarmaak. Wanneer dit dan gaar is word dit in ’n droër gepak en gedroog.
Vir die berg van die gedroogde produkte word dit in ’n lugdigte houer verseël met ’n suurstof ontnemer – mens kry van die pakkies te koop maar kan ook jou eie maak.

Indien die produk lank gestoor gaan word moet dit ook weg van direkte sonlig gehou word.
Indien die produk net gestoor word om in die volgende maand of so gebruik te word, kan dit in papiersakkies gestoor word.
Die droog van kos skakel die afhanklikheid van yskaste en vrieskaste uit.
Jy kan groot hoeveelhede kos gaar maak en droog. Jy kan omtrent enige iets droog en bêre.
Die volume van die kos verminder aansienlik, en dit weeg baie minder, ‘n groot hoeveelheid kos weeg baie min.
Die gedroogde kos hou baie lank, rys, aartappels ens sê hulle kant 30 jaar geberg word.
Gaar gedroogde vleis kan meer as ‘n jaar gebêre word. Geen vet nie, die vet word galserig.
Mens kan selfs die kos vooraf saam sit wat gedroog is, m.a.w. vleis, rys, aartappels, wortels en wat ook al om ‘n maaltyd te maak as jy nie omgee dat dit deurmekaar is nie.
Dit neem sowat twee dae vir meeste kos om te droog, goed soos wortels neem lank, amper ‘n week gedroog. Vleis en groenbone en rys 2 dae, aartappels en patats so 3 dae. So nie alles neem ewe lank nie, die belangrikste is protein en natuurlik die energie hoeveelheid in die spesifieke kos.
‘n Hitte bron versnel die uitdroog aansienlik.
’n Suurstof ontnemer word in geseëlde biltong en ander bederfbare kos se sakke gesit, soos om te keer dat meel miet kry of dat die kos muf.
‘n Suurstof ontnemer is ‘n lap sakkie met staalwol en klam sout daarin, die sout laat die staalwol oksideer en die oksidasie proses gebruik die suurstof op.
________________________________________
Hoe gebruik mens gedroogte groente weer?

Plaas die groente wat jy gaan gebruik in ’n houer en gooi skoon water daarop totdat alles bedek is, laat staan so vir om en by ’n uur, sodat die groente weer hidreer. Sodra dit groente weer uitgeswel is, kan jy dit in ’n pot op die stoof sit en opkook. Daar is ook genoem dat die tydperk heelwat versnel kan word deur die groente met kookwater te bedek dan neem dit so 10 minute.
Die gedroogde boontjies kan jy in ’n bakkie sit met water en dit vir ’n uur so laat staan. Daarna kan jy dit netso met die oorblywende water in ’n pot op die stoof gesit en net opgekook.
Laat weet ons gerus as jy enige van die metodes alreeds beproef het en wat die resultate was asook waar mens dalk dinge kan vergemaklik of selfs as jy aan nog ander alternatiewe metodes van kos bewaring kan dink. Ons hoor baie graag van julle!
Rys, mieliemeel, mielierys stampmielies kan geberg word in skoon droë 2 liter plastiese koeldrank bottels

Enjoyed this post? Share it!