Wessel Basson rig ‘n openhartige brief aan almal – lees en besluit vir jouself!

Ek lees nou ‘n artikel oor ‘wit monopoly capital ‘. Natuurlik kook enige witman wanneer hy die snert lees. En diegene wat uitvaar oor ‘wit monoploy capital’ is natuurlik die vyand van enige witman.

Tog wil ek almal terugvat na my kinderjare van die middel sewentigs en tagtigs. Ek plaas graag my persoonlike ondervinding en vrae aan elke liewe witman, of jy jouself Boer of Afrikaner noem.

Baie van ons op facebook en veral op Konserwatiewe blaaie wil vryheid hê. Waarom vryheid nou? Waarom het ons nie vryheid nagejaag gedurende die Apartheids tydperk nie? Was ons werklik vry gewees gedurende die tydperk?
Waarom wil ons nou vryheid hê – net omdat die swartman in beheer is? Was daar nie tydens Apartheid ook ongelykhede onder onsself nie?

Dink mooi:

  • Daar was baie mense wie se kinders nooit weermag opleiding gedoen het nie, danksy pappie of mammie..
  • Daar was onderskeid gemaak tussen slim en dom kinders in die klas.
  • Daar was neergesien op kinders wat prakties begaafd was.
  • Daar was neergesien op wit armoediges.
  • Daar is woongebiede geskep tussen ryk en arm. Onthou julle die bo en onder dorp.?
  • Daar was klasse verskille onder ons, RYK EN ARM.
  • Daar was ook ‘wit monopoly capital ‘gewees.
  • Ryk kinders is voorgetrek. Dit was nooit moeilik om te kon raai wie hoofseun of hoofmeisie sou word nie
  • Die skandevlek op wit swanger dogters en veral as jy uit ‘n arm huis groot geword het.
  • Die rol van die Broederbond.
  • Die rol wat die Kerk gespeel het.
  • Selfverryking
  • Slegs die rykes kon grond koop.
  • Slegs die rykes het toegang gehad tot nuwe ontwikkelings. Daar was altyd tips gegee vir sekere mense om grond op te koop om later dit te onwilkkel.

Hierdie lys van ongelykhede onder ons is ongekend groot.

Nou wil ons kwaad word vir swartes omdat hulle anti -wit sentimente skreeu? Wie het nou eintlik die land gratis oorhandig?

Dieselfde ryk ‘wit monopoly’ wat ons denke regeer het in die sewentigs en tagtigs, het die land oorhandig. Slegs oor twee dinge – geld, geld, geld, geld & sport!

Die Ruperts, Oppenheimers, Wieses, Bassons, Ackermans net om ‘n paar om te noem, was nog nooit vriende gewees nie. Hulle het nie vriende nie, geld en roem is hulle vriende.

Jou lot as ‘n witman dra geen simpatie nie, want jou velkleur bepaal nie hulle skatte nie!!

Ons blankes was en is nog steeds verdeel omdat rykdom ‘n bepalende rol speel – ook in ons eie geledere.
Wys my een voorbeeld waar ‘wit monopoly capital’ geld spandeer op armblankes om hoop te skep?

Ons moet dalk die balk uit ons eie oog haal, want die splinter van verdeeltheid lê in onsself. Solank ‘n klasse verskil bestaan onder ons blankes, en daar ryk en arm is, sal ons nooit die terme van saamstaan verstaan nie.
Hoe kan ons saamvoeg terwyl sekeres in kastele bly en ander in pandokke?

My hart lê by die armes en mense wat hard werk om te oorleef. My lojaliteit lê by ‘n volk wat nie onderskei tussen ryk of arm nie. My hart lê by hulle wat ook ‘n plekkie soek in die son.

Ons maak baie mense en organisasies ryk in ons eie geledere – die wat finansieël floreer uit wit ellende. Dit breek my hart om my eie mense te sien vergaan terwyl ‘wit monopoly’, rol in die geld.
Miskien is dit waar – geld bring ongelykhede.

Ek droom van die dag waar ons volk verenig sal staan, en geld nie die bepalende faktor sal wees nie, maar God.
Hierdie is my persoonlike mening en nie noodwendig die van die NKP bestuur nie.

Geskryf deur: Wessel Basson

<hr>

Enjoyed this post? Share it!