Wit minderheid in SA word deur die geregtigheid van swart massa meerderheid geboelie

Verbeel jou jy is ‘n plaasvoorman op ‘n plaas in Suid-Afrika. Die plaas word geknel deur betreders van die naburige plakkerkamp, wat weekliks die grond onwettig betree om jou werkgewer se diesel en elektriese kabels te steel. Jy het al voorheen verskeie van die diewe gevang en polisiestasie toe gevat. Maande later moes jy verneem dat daar niks van gekom het nie en die betrokke oortreders weer op vrye voet is.

Dan betrap jy weer eendag vir die soveelste keer ‘n kabeldief op die grond onder jou bestuur. Jy besluit weer om die jafel polisiestasie toe te vat. Hierdie keer dreig hy egter om jou vrou en kinders by die huis te gaan aanval, sodra hy weer uitkom, indien jy hom polisie toe sou vat. Ook dreig hy om te wag tot die mielies mooi ryp is, voordat hy die lande aan die brand sal steek. Hy weet presies waar jy en jou gesin woon en wat julle roetine is.

Jy besluit om hom nie polisie toe te vat nie, maar eerder skrik te maak, sodat hy nooit weer daar op die grond sal kom nie en jou gesin uitlos.

Jy kry ‘n doodskis en laat hom daarin inklim en dreig om hom in die kis te begrawe, indien hy weer daar op die grond sou betree. Jou vriend maak ‘n video van die hele petalje. Twee maande later word jy deur die polisie gearresteer. Die aanklagte is poging to moord, intimidasie, ontvoering en ernstige aanranding.

Hierdie is die soort intimidasie van ons mense deur die hedendaagse polisie en die huidige stelsel waarin ons lewe en sterwe.

Hierdie is soos ons mense vandag geboelie word, wanneer die polisie hul taak versaak, en mense self optree om hulself en hul gesinne te probeer beskerm. Hierdie is die lot van ‘n wit minderheid in die sogenaamde reenboognasie. Hierdie is die taktieke wat gebruik word om wittes stil te maak en stil te hou. En ons lot in die nuwe Suid-Afrika maar ewe gelate te aanvaar. Soos lammers ter slagting, wat geskop en geslaan word, as hulle durf waag om te blêr voor hulle die doodskoot kry.

Hierdie is hoe die klein wit minderheid deur die geregtigheid van die swart massa meerderheid geboelie word. Dit is hoe die regstelsel deur die meerderheid beheer word en teen ons gemanipuleer word. Die slagoffer word die oortreder en die krimineel word die onskuldige slagoffer. Is dit hoe reg en geregtigheid lyk in die nuwe Suid-Afrika? Is dit ons lewenslot vorentoe?

Skrywer: Marius Coertze/SA Nasionale Konserwatiewe Party


Enjoyed this post? Share it!