Zuma – Gee my net ses maande as diktator

Al wat hy nodig het om Suid-Afrika se probleme op te los, is ses maande as ‘n diktator.

In hierdie ses maande sal president Jacob Zuma werklose mense dwing om terug te gaan skool toe of om gearresteer te word.

“Indien julle my ses maande gee as diktator sal dinge reg wees. Op die oomblik het jy ‘n lang proses nodig om ‘n besluit te kan neem. Dit is ‘n klomp werk…”

Hierdie uitlatings is deur Zuma teenoor skoolkinders gemaak terwyl hy ‘n laerskool in Tembisa besoek het.

Hy het die skool saam met die premier van Sentraal-Transvaal, David Makhura, die minister van basiese onderwys, Angie Mothekga, en die provinsiale LUR, Panyaza Lesufi, besoek.

Tydens die besoek is skoolsakke en komberse aan die kinders geskenk. Die Chinese ambassadeur, wat klaarblyklik ook deel van die geselskap was, het weer belowe om die skool se rekenaars te vervang wat gesteel is.

Hierdie besoek in die aanloop tot die verkiesing is bepaald bedoel om stemme in Tembisa te werf en om grappenderwys kinders daarop te wys dat hulle moet skoolgaan en studeer.

Hy het ook aan hulle vertel dat hy nie sy laerskoolloopbaan voltooi het nie, maar homself opgelei het. “Moenie na mense luister wat sê ek is nie opgelei nie en dink jy kan kanse vat,” het hy bygevoeg.

Afgesien van die praatjies, bly die gedeelte oor die diktatorskap vassteek.

Suid-Afrika sien immers al lankal die tekens daarvan duidelik.

 Bron: Vryburger


Enjoyed this post? Share it!