Zuma jnr. skynbaar verhewe bo die reg en geen strafregtlike klagtes word verder gevoer

Agt maande nadat ‘n landdros tydens ‘n geregtelike doodsondersoek bevind het dat Duduzane Zuma, nalatig was en die dood van ‘n passasier in ‘n huurmotor veroorsaak het, het die Nasionale Vervolgingsgesag (NVG) besluit om nie strafregtelike klagtes verder te voer nie.

Selfs NVG se mense is verras dat Zuma nie vervolg is nie, aangesien die uitspraak van die landdros daarop dui dat hy beslis aanspreeklik gehou moet word en daar dus ooglopend ‘n prima facie-saak is.

Ander waarnemers is nie so verbaas daaroor nie, omdat hulle daarop wys dat dit dieselfde Departement is wat Zuma snr. nie vervolg het op 783 klagtes van korrupsie nie.

Volgens inligting het Zuma jnr. met die hulp van ‘n prokureur R7 000 se verkeersboetes afbetaal voor die ondersoek begin is na sy ongeluk. Die betrokke prokureur het skynbaar self R 700 000 ontvang om Zuma se beeld “skoon” te maak.

Daar word voorts gevra watter toutjies deur sy pa getrek is om die Gupta geassosieerde jong Zuma vry van vervolging te kry, en plaas weer ‘n vraagteken oor die NVG se onpartydigheid.

Bron: Die Vryburger, 20-07-2017


Enjoyed this post? Share it!