Zuma kry die wind-van-voor van sy eie geleerdere

Ten spyte van die een vernedering na die ander, skyn die ANC-leier, Jacob Zuma, ‘n ongekende politieke dikvelligheid te besit, wat hom skynbaar koud laat.

Tydens die Meidagviering van Cosatu in Bloemfontein, het die skare so aanhoudend gedreunsing dat Zuma moet gaan, dat hy nie sy toespraak kon lewer nie. Om hom egter nie té sleg laat voel nie, het Cosatu toe besluit dat niemand dan toesprake sal lewer nie. Dit het tot ongelukkigheid gelei by Blade Nzimande, SA Kommuniste Party se grootbaas, wat ook sou praat maar dus ook die geleentheid ontsê is om sy kommunistiese retoriek te verkondig.

Dit is nie die eerste keer dat Zuma die wind van voor kry by openbare geleenthede nie.

By Nelson Mandela se begrafnis enkele jare gelede, het dieselfde lot hom getref, en elke keer as hy in die parlement is, moet hy ook wag voor hy sy toespraak kan lewer.

Ook by die Cosatu byeenkoms het hy erg ongeërg oor die gebeure gelyk en ontspanne gelag met die ander mense op die verhoog. Hy besef dat solank die bestuur van die ANC hom beskerm, hy onaantasbaar is.


Enjoyed this post? Share it!