12 kg se goud word uit kluis by Harmony Gold gesteel

Diewe het Dinsdagoggend by Harmony Gold se Kalgold-myn ingebreek en 12 kg se goud gesteel.

Lauren Fourie, ’n woordvoerder van dié myn naby Kraaipan in Noordwes, sê die rowers het toegang tot die streng bewaakte goudkluise verkry in ’n “aansienlike sekuriteitsbreuk”.

Die inbraak word ondersoek.

“Die goud is onder streng sekuriteit by die myn gestoor,” sê Fourie.

“Dit was ’n astrante inbraak en gelukkig het niemand seergekry nie.”

Die waarde van die vermiste goud word op sowat R6,2 miljoen geraam.


Enjoyed this post? Share it!