AANKONDIGING OOR ZUMA KAN BINNEKORT VERWAG WORD

‘n Besluit oor Jakob Zuma se toekoms as president van die land sal binnekort bekend gemaak word. Dit is volgens die ANC-president, Cyril Ramaphosa.

Ramaphosa het ‘n verklaring uitgereik waarin verklaar word dat president Zuma se posisie verder gekommunikeer sal word sodra alle relevante sake afgehandel is.

“Die konstruktiewe proses wat ons aangewend het, bied die grootste geleentheid om hierdie saak sonder onenigheid of verdeeldheid af te sluit,” sê Ramaphosa.

Besprekings tussen Ramaphosa en president Zuma het Dinsdagaand begin, ná die uitstel van die staatsrede vroeër die middag.

Die ANC se nasionale uitvoerende komitee (NUK) -vergadering wat vir Woensdag geskeduleer is, is ook na 17 Februarie gestuur.

Die land was in onsekerheid gegooi na aanleiding van die aankondiging deur die voorsitters van die parlement dat SONA 2018 onbepaald uitgestel is.

Dit is nou gevolg deur die uitstel van die NUK-vergadering wat ook Woensdag plaasvind.

Enjoyed this post? Share it!