ANC-regime besluit gou hoe grond gevat word

Suid-Afrika sal ná Maart weet presies hoe die regering beplan om grond sonder vergoeding te onteien.

Mcebisi Skwatsha, adjunkminister van landelike ontwikkeling en grondhervorming, het Dinsdag aan die parlement se portefeuljekomitee oor landelike ontwikkeling en grondhervorming gesê dat die ANC in Maart ’n konferensie oor grondonteiening sonder vergoeding sal hou.

“Daarna sal alle stelsels gereed wees sodat dit deur alle relevante staatsdepartemente geïmplementeer kan word,” het Skwatsha ná die komitee-sitting in ’n onderhoud gesê.

Die ANC het in Desember op sy nasionale konferensie in Johannesburg besluit dat grond in die land sonder vergoeding onteien moet word.

Adj.pres. Cyril Ramaphosa, wat op dieselfde konferensie as die ANC se nuwe president verkies is, het kort ná sy verkiesing ook uitdruklik gesê dat grond “gevat” sal word “of hulle (grondeienaars) daarvan hou of nie”.

Skwatsha se uitlatings oor grondhervorming het gekom in die sitting waar die portefeuljekomitee Dinsdag die wysigingswetsontwerp oor kommunale eiendomsverenigings (KEV) bespreek het.

Hy het aan die komitee gesê die ANC het dié resolusie oor grondhervorming aangeneem omdat dit ’n “sorgsame en rasionele regering” is.

Volgens hom was die besluit wat in Desember in Johannesburg geneem is, ’n “nugter” een.

Nthako Matiase, LP van die EFF, wat self ’n groot voorstander is van die onteiening van grond sonder vergoeding, het in reaksie die ANC-resolusie in die komitee as ‘edel’ beskryf.

“Ons wil egter ook die versekering gee dat ons nie voedselsekuriteit sal ontwrig nie.

“Ons (die ANC) gaan in Maart ’n konferensie of werksessie hou om presies te bepaal wie se grond ons moet vat en hoe ons dit moet doen,” het Skwatsha gesê.

Skwatsha het ook aan die komitee gesê dat hervorming en die tipe samelewing wat die ANC wil skep, gerig moet word deur die land se spesifieke geskiedenis.

Volgens hom is die herverdeling van grond een van die maniere om veral armoede te takel.

Hy het bygevoeg dat die departement om dié rede ook gedurig die begunstigdes van grondhervorming aanraai om eerder die grond as die finansiële vergoeding te aanvaar.

Nthako Matiase, LP van die EFF, wat self ’n groot voorstander is van die onteiening van grond sonder vergoeding, het in reaksie die ANC-resolusie in die komitee as “edel” beskryf.

Volgens hom kan enige grondkwessie daarom voortaan nie in die parlement bespreek word asof “dit sake soos gewoonlik is nie”.

Hy het bygevoeg dat die Vryheidsmanifes dit ook duidelik stel dat dat eienaarskap van grond gegrond op ras in Suid-Afrika beëindig moet word.

“Ons hoop die ANC-resolusie sal in pas daarmee wees.”

Alle rolspelers sal daartydens eerder bespreek presies watter grond geneem sal word en hoe dit gedoen sal word.

Mcebisi Skwatsha

Thomas Walters, DA-LP, het egter kapsie gemaak dat uitlatings oor grondonteiening sonder vergoeding die bespreking oor die KEV-wysigingswetsontwerp begin oorheers het, “omdat dit net verkiesingsfoefies van die onderskeie partye is”.

Phumzile Ngwenya-Mabila, voorsitter van die portefeuljekomitee, het saamgestem en bygevoeg dat die onteiening van grond sonder vergoeding in ’n latere stadium met debatte oor die relevante wetgewing in die komitee bespreek sal word.

Skwatsha het ná die komiteesitting in ’n onderhoud gesê verskillende staatsdepartemente, alliansievennote en alle ander rolspelers sal die ANC-konferensie in Maart bywoon.

“Die doel van die konferensie is nie om die resolusie te hersien nie. Alle rolspelers sal daartydens eerder bespreek presies watter grond geneem sal word en hoe dit gedoen sal word.

“Ons sal ook na die nuwe grond-oudit kyk om te bepaal wat dit vir ons sê in terme van hoeveel grond daar al tot dusver as deel van grondhervorming oorgedra is.

“Ná daardie konferensie sal alle stelsels in plek wees sodat dit deur alle staatsdepartemente geïmplementeer kan word,” het Skwatsha gesê.

Deur: Netwerk 24


Enjoyed this post? Share it!