Man met R7 miljoen kontant betrap by OR Tambo Lughawe

ʼn 27-jarige man is by OR Tambo Internasionale Lughawe in hegtenis geneem met byna R7 miljoen kontant in Amerikaanse en Suid-Afrikaanse geldeenheid in sy besit.

Brig. Vishnu Naidoo, woordvoerder van die polisie, het gesê danksy ʼn geïntegreerde plan en gebaseer op inligting, is die bagasie, wat vermoedelik kontant bevat het wat die man nie verklaar het nie, Vrydag by die lughawe onderskep.

“Nadat die span bevestig het dat die bagasie wel ʼn bedrag van $199 300 en R4 500 400 (altesaam meer as R6,99 miljoen) bevat, is die man in hegtenis geneem en hulle het hom verhoed om na Mauritius te vertrek,” het Naidoo verduidelik.

Die man sal Maandag in die hof verskyn op aanklag van die oortreding van die Doeane- en Aksynswet.


Enjoyed this post? Share it!