Opvolg: Boer van Lydenburg distrik sterf dag ná plaasaanval

Die bejaarde boer Dries Steenkamp (77jr) het in die vroeë oggendure van Vrydag gesterf na hy Donderdagoggend op sy plaas buite Lydenburg in Mpumalanga geskiet is.

Provinsiale woordvoerder van die polisie, Sers. Gerald Sedibe het die nuus bevestig en gesê dat die polisie nou ’n saak van moord en saak van inbraak ondersoek. Nog niemand in verband met die voorval in hegtenis geneem nie.

Sedibe het vroeër genoem dat Steenkamp ook op die verdagtes teruggeskiet het, maar dit is nie duidelik of hy een van hulle gewond het nie. Die verdagtes het tydens die skietery van die toneel gevlug. Steenkamp kon volgens die polisie daarin slaag om ʼn werknemer in die hande te kry om alarm te maak.

Niks is tydens die voorval gesteel nie.

Sedibe het gesê een van Steenkamp se honde is later dood buite die huis gevind. Daar word vermoed dat die hond vergiftig is.


Enjoyed this post? Share it!