#PLAASAANVAL: Tweede Aaanval Op Plaas – Skurk Doodgeskiet

‘n 64-jarige vrou is Dinsdagaand vir die tweede keer op ‘n plaas In Kalkfontein in Groblersdal aangeval nadat die skurke glo inligting van die plaas gekry het by die skurke wat dieselfde vrou in 2012 wreed aangeval het.
 
Kobus Liebenberg, Wilma Liebenberg se man, het bevestig dat die vrou alleen in die plaashuis was tydens die aanval, aangesien hy gedurende die week in die dorp werk.
 
Volgens hom het sy omstreeks 23:30 gele en slaap toe die foksterrier-honde wat by haar in die kamer slaap, histeries begin blaf het. “Hulle het sommer bo-op haar gespring en erg gegrom.
 
“Sy het opgestaan en gesien die ganglig op die eerste verdieping brand. Sy het die rewolwer gevat en twee skote by die kamervenster uitgeskiet. Toe sin sy hoe gaan die ganglig af en hoor hoe een by die trappe afgestap kom. Hulle het toe aan die kamerdeur begin ruk en sy het deur die deur geskiet,” het Liebenberg gese.
 
Volgens hom is daar ‘n drie meter hoe muur om die huis en het die skurke hul gewonde makker uit die huis gesleep en hom daar gelos”. Daar word vermoed dat daar vier skurke was
 
Hy vertel dat daar nie sein op die plaas is nie en sat ‘n mens sowat 100m moet stap om iemand in die hande te kry. Wilma het glo eers die volgende oggend toe dit lig geword het en werkers by die plaas opgedaag het uit die huis gegaan en alarm is van daar af gemaak.
 
Kobus verduidelik toe Polise se honde-eenhheid Woensdagmiddag ongeveer 12:00 by die toneel opdaag,het hulle die skurk lewend in die veld aangetref. Hy is die bors gewond het onder die skouer.
 
“Ek het self vir hom gevra wat soek hy hier en hy het vir my en die Polisie gese hy het inligting oor die huis en die kluis by die vorige skurke gekry.”
 
Die skurk is later op die plaas oorlede.
 
Volgens Kobus is die man en sy vrou wat sy vrou in 2012 aangeval het, nooit in hegtenis geneem nie. Hulle het glo tot ses maande na die aanval nog die egpaar gebel en laat hoor dat hulle gaan terugkom om hulle dood te maak.
 
“Ons het elke keer die Polisie, op hulle aandrang, gebel en in kennis gestel en daar het niks van gekom nie. Daardie aanval het my vrou suikersiekte gegee, en sy ontvan nog steeds kankerbehandeling, sy is baie sieklik. Die skurke wou destyds haar bene met ‘n kettingsaag afsny en haar brand met ‘n strykyster – gelukkig het die muurprop toe nie gewerk nie. Sy is baie getrumatiseerd en ek is baie verbitterd.”
 
Luitenant-Kolonel Thulani Zwane, Woordvoerder van die Polisie, het gese die Polisie ondersoek ‘n saak van poging tot huisroof. ‘n Klag van moord word ook ondersoek.
 
Die oorledene is op hier oomblik nog die aan die Polisie bekend nie.
 
Deur: Landi Slatter/Maroela

Enjoyed this post? Share it!