#PLAASAANVAL: Wonderwerk Na Wonderwerk Red Sendelingboer Se Lewe Na Plaasaanval

Wat bykans ‘n uur was, het vir Mike Bonnette (70), ‘n sendelingboer van Gauteng soos ‘n dag gevoel nadat hy Sondag op pad kerk toe deur drie boewe op sy plaas in die Mid-Vaal omgewing van Meyerton, aangeval, erg aangerand en beroof is.

Bonnette is Vrydag uit die hospitaal ontslaan nadat hy ‘n week land in die MediClinic – Vereeniging mediese behandeling moes ontvang.
 
Hy het Saterdag vanuit sy huis aan Maroela Media verduidelik presies wat daardie dag gebeur het.
 
“My vrou, Margaret, is die oggend voor my kerk toe. Ek het sowat 9:20 kerk toe gegaan en was met my bakkie by die hek van ons huis uit, toe ek gestop het om dit toe te trek”, het Bonnette gese.
 
Bonette verduidelik dat hy uit sy bakkie geklim, die hek toegetrek en toe hy in sy bakkie wou terugklim, het iemand hom van agter af geduik.
 
“Ek het die man begin stoei en toe ek weer sien, het twee ander mans voor my gestaan.Een van hulle het ‘n vuurwapen op my gerig en my daarmee oor die kop geslaan. Ek het die bloed oor my gesig voel loop en begin verward voel.”
 
Die skurke het Bonette hardhandig hanteer en terug na sy huis toe gedwing terwyl hulle die heeltyd wou weet waar sy kluis is en aangedring het op geld.
 
Toe ons in die kombuis kom, het ek vir hulle belowe dat ek nie ‘n kluis of baie geld het nie, maar ek het vir hulle gese hulle kan vat wat ek ook al het. Hulle sit toe die ketel aan en die kortste van drie se: ‘You will learn to talk’, en vra toe waar die strykyster is”.
 
Die skurke het Bonette in die voorhuis ingeboender, waar ‘n koord en muurprop van ‘n lamp uit die lamp geruk is. Een van die skurke het die koord om Bonnette se nek gedraai en weer gevra het waar sy kluis is.
 
Bonnette het weer verduidelik dat hy nie ‘n kluis het nie. Hy is deur een skurk gewurg, terwyl die ander deur die huis gegaan en alles uit die kaste gepluk het, op soek na ‘n kluis en waardevolle besittings.
 
“Hulle wou ook my trouring van my vinger af he, maar ek kon dit die afkry nie. Hulle het gedreig om my vinger af te sny, maar ek het gevra dat ek seep moet kry. Genadiglik kon ek die ring draai en het hy uiteindelik afgekom. Die kortste een se toe: “You’re not talking” en het toe ‘n verlengkoord gegryp, die punt afgetrek en met sy tande begin om die koperkabels te ontbloot”.
 
Bonnette het gese die ‘kort man’ het toe sonder aanhitsing aggressief geraak, en terwyl hy besig was om die kabels te ontbloot, het hy onder ander meer glo uitlatings gemaak soos “you stole our land”.
 
Die skurk het toe die koperkabels om Bonnette se enkels gedraai. Hy was op pad na die muurprop om dit aan te skakel toe ek my bene beweeg en een kabel loskom. Die skurk het woedend geraak, my bene styf teen mekaar gebind en die kabels stywer vasgebind. Intussen het die hoofskakelaar van die elektrisiteit afgeskakel en die ketel wat besig was om te kook en die ontblote kabels kragloos gelaat. Dit het ook ‘n alarm by ons plaaslike gemeenskapspolisieringsforum (GPF) geaktiveer.
 
Die skurk het daarna die koord en muurprop om sy hand gedraai en Bonnette erg daarmee aangerand. Die skurk het sy makkers opdrag gegee om die ‘kookwater’ te gaan haal, maar dit was net lou toe hulle dit oor Bonette uitgooi.
 
“Die Here het van die begin sy hand oor my gehou en wonderwerk na wonderwerk het gebeur. Hulle het my daarna na die badkamer toe gedwing waar die kortman my wou skiet. Hy het die ammunisie vir my gewys. Hy het vir die ander twee gese om weg te gaan, want hy wou nie he hulle moes sien hoe hy die ‘white bastard’ skiet nie.
 
Die ander twee skurke was besig om huisware in Bonnette se bakkie te laai toe Bonnette se kleindogter se swart poedel begin het om aanhoudend te blaf. “Ek het vir die ‘kort man’ gese die GPF is hier en dit het hulle die skrik op die lyf gejaag. In daai selfde stadium het daar wel ‘n lid van die GPF opgedaag en die skurke het in my bakkie op die vlug geslaan”.
 
Die skurke is weg met die egpaar se werkers se spaargeld, juwele, ‘n selfoon en ander waardevolle besittings.
 
Bonnette het verskeie hoofbeserings opgedoen en is deur Netcare 911 na die hospitaal gehaas. Hy het ook beserings aan sy been, skouers, nek, arm en rug opgedoen.

#PLAASAANVAL: Sendelingboer

 
Sy bakkie is Maandag in die vroee oggendure deur GPF lede verlate naby ‘n treinstasie opgespoor.
 
Die Polisiewoordvoerders kon sedert Vrydag nie vir kommentaar bereik word nie. Volgens Bonnette is niemand nog in verband met die voorval in hegtenis geneem nie.
 
Hy het gese een van die skurke het ‘n klapmus aangehad, die ander twee het hy glad nie erken nie. Hy skat hulle in hul middel 30’s.
 
Bonnette het in die 1980’s ‘n sendelingskool in die omgewing oorgeneem, wat nou sowat 300 leerders en ‘n kerkie huisves. Sy plaas verskaf werk aan vele werkers.
 
Hy het gese hy dra nie haat of wrede gevoelens na die voorval nie, maar sal wil he dat die skurke aangekeer moet word sodat geregtigheid kan geskied.
 
Kobus Hoffman, die VF Plus-onderleier in Gauteng en Raadslid in die Sedibeng-Munisipaliteit. het die grusame aanval veroordeel.
 
“Die slagoffer is ‘n boer wat ondermeer op eie koste ‘n skool vir plaaslike minderbevoorregte kinders laat bou het en heelwat opheffingswerk onder die gemeenskap gedoen het”, het Hoffman gese.
 
“Dit is uiters betreurenswaardig dat juis so ‘n gemeenskapsaktivis en bydraer van liefdadigheid die teiken van sulke dade geword het. Dit is ‘n duidelike teken dat niks of niemand meer ontsien word nie.”
 
Hoffman het gese dit is ‘n wonderwerk dat Bonette die aanval oorleef het.
 
“Hierdie lafhartige daad word direk toegeskryf aan die openbare aanhitsing tot geweld, haatspraak en rassehaat deur veral politici. Die VFPlus sal onverpoosd voortgaan om plaasaanvalle te internasionaliseer en onder die wereld se aandag te bring, totdat daar daadwerklik deur die internasionale gemeenskap hierteen opgetree word.”
 
Maroela Media
‘n Pos wat deur een van Bonnette se skool se leerlinge geplaas is na die voorval:

Steven Vusi Vusi

Friends and family,
I seek your help in tracking and helping the Police to catch the thugs that did this to Bonet.
If u grew up around the Meyerton, Koolfontein, Nelsonia, Bacelia, Resort, Mooilande, Riversdale area you probably started school in Ratasetjhaba Primary school.
 
He didn’t only donate the land for the school, he built it.  He played a very big role in the lives of so many Black people including mine and he is still playing that role in the lives of Blacks in the surrounding neighborhood.
 
He allowed the Pre-school to be built on his property.
 
I am sad and angry because I would never have attended school if he didn’t have the good heart that he has for people.
 
He prays daily with his workers before they start their daily work.
 
Instead of honouring him for the good that he has done and is still doing, one of us, our friend, brother or neighbour brutally attacked, tortured and severely injured him.  The intention as I see it was not to steal his bakkie, that is usually used by his employees for their personal and work duty, but to kill him.
 
Please, I need your help to catch these criminals. Let us hold hands in this and find them.  Let us show appreciation to him by finding his attackers and his Toyota Hilux hard body van.

Enjoyed this post? Share it!