Gewere en ammunisie van die weermag word in ernstige misdade soos transitorooftogte gebruik, het Nosiviwe Mapisa-Nqakula, minister van verdediging en militêre veterane, erken.
Die weermag het “een van sy R4-gewere tydens ’n transitorooftog teruggekry”, het sy in antwoord op ’n vraag in die parlement gesê.
Nog twee R4-gewere en ’n 9 mm-pistool is by die huis van ’n verdagte gekry, en die wapens is moontlik in misdade gebruik.
Lees verder…
Twee jeugdiges vanuit die Bonteheuwel omgewing wat Piet Botha, ‘n treindrywer, vermoor het, het elkeen 25 jaar tronkstraf gekry.
Jatheme Hamid en Dorian Diedericks, onderskeidelik 18 en 19 jaar oud, is skuldig bevind aan roof en moord in Julie 2016 ‘n Derde beskuldigde is skuldig bevind aan die besit van ‘n ongelisensieerde vuurwapen en ammunisie, en hy is agt jaar tronkstraf opgelê.
Lees verder…
’n Boervrou van Komatipoort in Mpumalanga is in ’n bedenklike toestand in die hospitaal en ’n 25-jarige man is doodgeskiet nadat drie aanvallers Sondagoggend op hulle losgebrand het.
Inligting is in dié stadium nog skraps, maar volgens Ian Cameron, AfriForum se hoof van gemeenskapsveiligheid, is die jong man verskeie kere geskiet en is op die toneel dood toe drie gewapende aanvallers op die plaas toegeslaan het.
Lees verder…
Die finansiële diensteverskaffer,Liberty Life, het laat Saterdagaand aangekondig dat hy die nuutste slagoffer van kuberkrakers was.
ʼn Boodskap wat op Liberty se webtuiste geplaas is, lui soos volg: “Liberty betreur dit om te bevestig dat ons onderwerp is aan ongematigde toegang tot ons IT-infrastruktuur. ʼn Eksterne party beweer hy het data van ons gesteel en het ons in kennis gestel van moontlike swak plekke in ons stelsel – hy het vergoeding hiervoor geëis.”
Lees verder…
Nog ‘n kontantwa roof het plaasgevind, hierdie keer in die Kaap. Wat die brutaliteit daarvan beklemtoon, is dat dit 200 meter van die Philippi polisiestasie plaasgevind het.
Die Valke het ses persone gearresteer wat hul voorgedoen het as mediese dokters.
Hulle het “praktyke” bedryf in Bellville, Paarl, Khayalitsha en Philippi.
Lees verder…
’n 55-Jarige man is gewond en ’n vermeende aanvaller dood tydens ’n aanval op ’n kleinhoewe naby Spring Dinsdagoggend.
Die voorval is bevestig deur Kapt. Johannes Ramaphora, woordvoerder van die polisie, hy het gesê die voorval het tussen 01:00 en 02:00 op ʼn kleinhoewe by Ermeloweg in Vischkuil, oorkant Endicott, plaasgevind.
Lees verder…
‘n Boer wat in die Noordwes-provinsie woon, is gister 5 keer tydens ‘n plaasaanval geskiet.
Kallie Van Heerden is vyf keer geskiet deur drie onbekende mans wat hom op sy plaas in Rooikuil net buite Hartbeesfontein gekonfronteer het. Volgens sy vrou, Thelma, is hy in ‘n kritieke toestand en het interne bloeding a.g.v. die aanval. Van Heerden is net ná 16:00 Maandagmiddag in die hand, elmboog, skouer en bors geskiet.
Lees verder…
Riebeeck Kasteel is deur protesgangers in chaos gedompel toe winkels bestorm en besteel is.
‘n Behuisingsprotes het klaarblyklik ontaard in die optrede en selfs die ou Royal Hotel het deurgeloop. Sporadies brande is ook gestig en polisie was op die toneel.
Lees verder…
’n Polisiestasie in Eden Park in Alberton aan die Oos-Rand is Donderdag in die oggendure beroof en vier polisiebeamptes is in ’n aanhoudingsel toegesluit.
Woordvoerder van die polisie ,Kapt. Lesetja Mathobela het gesê die voorval het omstreeks 00:30 plaasgevind.
“Vier polisiebeamptes, almal vroue, was aan diens toe twee mans by die stasie ingeloop het en gemaak het of hulle hulp verlang,” het Mathobela gesê.
Die nasionale polisie kommissaris, Khehla Sithole, sê hy oorweeg dit om gewese lede van die SAP te vra om weer aan te meld vir diens.
Hy gaan glo ‘n konferensie van polisie veterane byeenroep waar maatreëls bespreek gaan word hoe om die misdaadprobleem van die land op te los.
Lees verder…
Kratte vol sitrus is vernietig toe ’n pakskuur in die Sondagsriviervallei aan die brand gesteek is te midde van onwettige protesaksie oor loonverhogings.
Die pluk en pak op die meeste sitrusplase in onder meer die distrikte Addo en Kirkwood staan reeds ongeveer ’n week lank stil. Onwettige stakers intimideer werkers en verhinder hulle om met hul werk voort te gaan.
Lees verder…